ABŞ-ın Ermənistandakı səfiri Linn Treysi Azərbaycan polisinin Gorus-Qafan yolunu nəzarətə götürməsinə münasibət bildirib. "Baki-Baku.az" erməni mediasına istinadən xəbər verir ki, xanım Treysi bildirib ki, Sünik bölgəsində, xüsusən də Gorus-Qafan yolunda gördükləri son dərəcə əhəmiyyətlidir. "Bu baxımdan biz həmişə vurğuladıq ki, 9 noyabrda əldə olunmuş atəşkəs razılaşmasından sonra hərtərəfli nizamlanmaya ehtiyac var", - deyə səfir jurnalistlərə müsahibəsində vurğulayıb.
“Ermənistan və Azərbaycan davamlı sülhə nail olmalıdır. Vurğulamaq istəyirəm və bunu bir neçə dəfə demişəm: Dağlıq Qarabağın statusu məsələsinin həll olunduğuna inanmırıq. Xüsusilə sərhəd bölgələrində müşahidə etdiyimizə əsasən müxtəlif gərginliklərin aradan qaldırılması baxımından çox əhəmiyyətli danışıqlar tələb edən hərtərəfli nizama ehtiyac olduğunu görürük. Bu Amerika siyasətinin mövqeyidir" deyən Linn Treysi Dağlıq Qarabağın statusu məsələsinin ATƏT-in Minsk qrupunun gündəliyində qaldığını da deyib.
