Ermənistan parlamentində gərgin vəziyyət yaranıb, təhlükəsizlik xidmətinin əməkdaşları toplantı otağına daxil olublar. "Baki-Baku.az" xəbər verir ki, bu barədə məlumatı "Armenpress" yayıb.
Məlumatda bildirilir ki, parlamentin vitse-spikeri İşxan Saqatelyanın çıxışından sonra vəziyyət daha da gərginləşib. "Vətəndaş sazişi" fraksiyasının rəhbəri Hayk Konjoryan tribunasından danışmalı imiş, amma müxalifətçilər yerlərindən qışqırmağa başlayıblar.
Spiker "Hayastan" fraksiyasının deputatları Agnes Xamoyan və Armen Rustamyana xəbərdarlıq elan edib. Bu fraksiyadan olan millət vəkili Armen Rustamyan öz yerindən danışmağa davam edərkən "Vətəndaş sazişi" fraksiyasının deputatları yerlərindən qışqırıblar, çıxışa maneçilik törədiblər.
Spiker Alen Simonyan deyib təhlükəsizlik xidmətinin əməkdaşlarını dəvət edib. "Zalda asayişi qorumağınızı xahiş edirəm", deyən Simonyan həmçinin canlı yayımı söndürməyi də tapşırıb.
