"Biz hesab edirik ki, Ermənistanla Azərbaycan sərhədində baş verən toqquşmalar bölgənin və əlbəttə Kollektiv Təhlükəsizlik Müqaviləsi Təşkilatının üzvü olan Ermənistanın təhlükəsizliyinə təhlükə yaradır". "Baki-Baku.az" xəbər verir ki, bu fikri Ermənistan İctimai Televiziyasına və digər kütləvi informasiya vasitələrinin təmsilçilərinə müsahibəsində Yerevanda səfərdə olan Kollektiv Təhlükəsizlik Müqaviləsi Təşkilatının baş katibi Stanislav Zas işlədib.
Zasın sözlərinə görə, vəziyyət KTMT daim vəziyyəti izləyir. Qurum Ermənistanın dövlət strukturlarının dəstəyi ilə monitorinq həyata keçirir. O, eyni zamanda son vaxtlar sərhəd qarşıdurmalarının coğrafiyasının genişlənməsindən dərin narahatlığını ifadə edib. Bunun Qarabağ probleminin həlli və bölgədə sülhün bərqərar olması ilə bağlı öhdəliklərin yerinə yetirilməsini çətinləşdirdiyini vurğulayıb. "Mövcud vəziyyətdən, problemlərin həll yollarından danışırıqsa, əlbəttə, siyasi və diplomatik nizamlanma imkanlarının tükənmədiyinə inanırıq. Bu, hər kəs üçün ən yaxşı seçim olardı. Ümid edirik ki, üçtərəfli işçi qrupunun qətnaməsi müsbət təsir göstərməlidir. Həm də bütün tərəflərin fikir ayrılıqlarının siyasi və diplomatik həllinə diqqət yetirmələrini gözləyirik", - deyə Zas vurğulayıb.
