ATƏT-in fəaliyyətdə olan sədri də Ermənistan-Azərbaycan sərhədindəki gərginlikdən narahatlığını ifadə edib

ATƏT-in fəaliyyətdə olan sədri, İsveçin xarici işlər naziri Ann Linde son günlər Ermənistan-Azərbaycan sərhədindəki gərginliyə toxunaraq tərəfləri 10 noyabr 2020-ci il tarixli üçtərəfli bəyanatın müddəalarına tam riayət etməyə çağırıb. "Baki-Baku.az" xəbər verir ki, bu barədə o, özünün "twitter" hesabında yazıb. 

A.Linde Ermənistan-Azərbaycan sərhədində dəfələrlə baş verən insidentlər barədə məlumatların ciddi narahatlıq yaratdığını vurğulayıb. O, tərəfləri 10 noyabr bəyanatının müddəalarını tam şəkildə yerinə yetirmək və həll olunmamış problemləri sülh yolu ilə aradan qaldırmaq üçün humanitar addımlara riayət etməyə çağırıb.