Erməni hərəkat rəhbəri Nikol Paşinyana: "Siz müharibə və məğlubiyyət sifətini seçdiniz"

"10 ay əvvəl müharibə başladı. On ay əvvəl Nikol (Ermənistanın baş naziri vəzifəsini icra edən Nikol Paşinyan nəzərdə tutulur - red.) ölkəmizə, ailələrimizə bəla gətirdi. Müharibədən 10 ay keçdikdən sonra onun başçılıq etdiyi qüvvə yarım milyondan çox səs topladı. Bu gün artıq Qeqarkunikdə, Araratda və Sünikdə atəş açırlar". 

"Baki-Baku.az" xəbər verir ki, bu fikirləri özünün sosial şəbəkə hesabında Ermənistandakı "Nəsillər üçün həqiqət" hərəkatının rəhbəri, politoloq Geqam Nazaryan bölüşüb.

G.Nazaryan daha sonra Ermənistandakı mövcud hakimiyyətə səslənərək bunları da bildirib: "Siz müharibə və məğlubiyyət sifətini seçdiniz. Siz bu müharibəni və atəş səslərini seçdiniz. Müharibədən 10 ay sonra insanların çoxu bu barədə eşitmək istəmir. Çoxları istəyir ki, onlara həyatdan zövq almağa imkan versinlər".