- Daxili siyasət
- 13:00 19.04.2024
Ermənistanla Azərbaycan arasında genişmiqyaslı müharibə bitib, noyabrda sona çatıb. "Baki-Baku.az" xəbər verir ki, bunu Ermənistandakı Qafqaz İnstitutunun direktoru, politoloq Aleksandr İskəndaryan jurnalistlərlə keçirdiyi görüşdə sərhəddəki gərginləşmə və genişmiqyaslı hərbi əməliyyatların bərpa olunma ehtimalı ilə bağlı sualları cavablandırarkən deyib.
Erməni politoloqun sözlərinə görə, münaqişə davam edir, lakin aşağı intensivlikdə. “Azərbaycan Prezidenti İlham Əliyev müharibənin nəticələrini mümkün qədər əlinə saxlamağa çalışır. Yəni, ermənilərdən mümkün olan hər şeyi maksimuma qədər sıxmağa çalışır. Bunu yalnızca açıqlamalardan da görmək mümkündür ” - deyə İskəndəryan izah edib.
Politoloq indiki mərhələdə Azərbaycanın Ermənistana müxtəlif yollarla təzyiq göstərdiyini qeyd edib. O, iki başlıca məqam üzərindən dayanıb. Bunlardan birincisi rəsmi Yerevana Qarabağ məsələsinin olmadığının, münaqişənin bitdiyinin və postkonflikt dövrünə keçmə vaxtının gəldiyinin söylənilməsidir.
Politoloqun fikrincə, ikinci məqam sövdələşmələrin bir hissəsi kimi istifadə olunan məhbuslardır. “Əliyev Ermənistanın daxili siyasi həyatında və ölkə daxili müzakirə sistemində kifayət qədər ciddi oyunçudur. Əslində, o, faktiki olaraq Ermənistan daxilində, həm jurnalistlər, həm də sosial media müstəvisindəki müzakirələri artıq dəyişib”, - deyə İskəndəryan vurğulayıb.