Rusiyanın ATƏT-dəki daimi nümayəndəsi: Rusiya, Azərbaycan və Ermənistan liderlərinin üçtərəfli bəyanatları münaqişənin həlli yolunu göstərdi

"Ümid edirik ki, təşkilatımız regional münaqişələrin sülh yolu ilə diplomatik vasitələrlə həllinə öz töhfələrini verəcəkdir. Bunun üçün bütün imkanlar mövcuddur". "Baki-Baku.az" xəbər verir ki, bunu Rusiya Federasiyasının ATƏT-dəki daimi nümayəndəsi Aleksandr Lukaşeviç ATƏT Daimi Şurasının iclasındakı çıxışında bildirib.

“Cənubi Qafqaz bölgəsindəki çətin vəziyyəti nəzərə alaraq, Dağlıq Qarabağ probleminin gələcək həllində yardım tələb olunur. Əsas odur ki, bölgədəki vəziyyətin normallaşması, kəskin humanitar problemlərin həlli və bölgə üçün sabit siyasi və iqtisadi gələcəyin qurulması yolunda ilkin şərtləri yaradaq. 2020, 2021-ci illərdə Rusiya, Azərbaycan və Ermənistan liderlərinin üçtərəfli bəyanatları bu yolu göstərdi”, - deyə Lukaşeviç vurğulayıb.