İranın xarici işlər naziri: "İran hər zaman bildirib ki, ərazi bütövlüyünə hörmətlə yanaşılmalıdır"

İranın xarici işlər naziri Məhəmməd Cavad Zərif Azərbaycana və Ermənistana səfərləri ilə bağlı özünün tvitter səhifəsində paylaşım edib.

"Baki-Baku.az" xəbər verir ki, M.Zərif hər iki ölkədəki görüşlərində Azərbaycan və Ermənistan arasında ikitərəfli münasibətlər və son gərginliklə əlaqədar qızğın müzakirələrin getdiyini diqqətə çatdırıb.

"İran hər zaman bildirib ki, ərazi bütövlüyünə hörmətlə yanaşılmalıdır", - deyən İranın XİN rəhbəri Azərbaycanın və Ermənistanın liderlərinin qarşılıqlı razılıq əldə etmək naminə danışıqlara hazırlığını yüksək qiymətləndirib. 

İranlı nazir onu da bildirib ki, regional əməkdaşlıq üçün nəhəng imkanlar var.