Rüstəm Muradovla Ermənistanın müdafiə nazirinin görüşü olub

Ermənistanın müdafiə naziri Vaqarşak Arutyunyan Qarabağdakı Rusiya sülhməramlılarının komandanı Rüstəm Muradovla görüşüb. "Baki-Baku.az" xəbər verir ki, bu barədə məlumatı Ermənistanın Müdafiə Nazirliyi yayıb. 

Məlumatda bildirilir ki, V.Arutyunyan R.Muradova əsirlərin dəyişdirilməsi, həmçinin itkin düşmüşlərin tapılması prosesindəki fəallığına görə təşəkkürünü bildirib. 

Görüşdə əldə edilmiş razılıqların icrası istiqamətində addımların davam edilməsi barədə fikir mübadiləsi aparılıb.