- Daxili siyasət
- 09:37 20.09.2024
Azərbaycan Prezidentinin, Ermənistan Baş nazirinin və Rusiya Federasiyasının Prezidentinin yanvarın 11-də imzaladıqları bəyanata əsasən regionda bütün iqtisadi və nəqliyyat əlaqələrinin bərpası məqsədilə Azərbaycan, Ermənistan baş nazirləri müavinlərinin və Rusiya Federasiyası Hökumətinin sədr müavininin birgə həmsədrliyi ilə üçtərəfli İşçi qrupu yaradılmalıdır. Ermənistan tərəfdən işçi qrupuna rəhbərliyi baş nazirin müavini Mqer Qriqoryan həyata keçirəcək. "Baki-Baku.az" xəbər verir ki, bu barədə məlumatı "Armenpress" İnformasiya Agentliyi Ermənistan baş nazirinin ofisinə istinadən yayıb.
Məlumatda bildirilir ki, İşçi Qrup ilk iclasını yanvarın 30-da keçirəcək. İclasda görüləcək işlərin istiqamətləri müəyyənləşdiriləcək. Əsas diqqət dəmir yolu və avtomobil nəqliyyatının bərpasına yetiriləcək, eyni zamanda perspektivdə duran məsələlər nəzərdən keçiriləcək.