Ermənistanın keçmiş müdafiə naziri, Qarabağ müharibəsində canını güc bəla ilə ölümdən qurtaran Seyran Ohanyan ölkə parlamentinin sədri Ararat Mirzoyana açıq məktub ünvanlayıb. "Baki-Baku.az" məktubun məzmunu təqdim edir:
"Cənab Mirzoyan, Ermənistan parlament üsul idarəli dövlətdir, siz isə parlamentin sədrisiniz, ixtisasca tarixçisiniz. Ermənistanın Təhlükəsizlik Şurasının katibi Armen Qriqoryanın dediyinə görə, bu gün Sünikdə Sovet İttifaqının sərhəddinə əsasən bizim dövlətimizin sərhədləri müəyyənləşir.
Məndə belə bir sual yaranır:
"Siz artıq 32 ildir olmayan Sovet İttifaqını tanıyırsınız? Düşünürəm, siz tarixdən bilirsiniz ki, necə 1921-ci ildə Qarabağ (Artsax deyir-red.) Stalinin əmri ilə Azərbaycana verildi.
Əgər Sovet İttifaqını qəbul edirsinizsə, o zaman Qarabağı da Azərbaycanın tərkib hissəsi sayırsınız?
Hesab etmirsinizmi ki, dövləti 32 il əvvələ aparmaqla siz erməni xalqının Qarabağ uğrunda müharibəsini heç nə edirsiniz? Siz müstəqil Ermənistanın tarixinin məhvinin iştirakçısı olursunuz. Ümumilikdə isə Ermənistanı sivil dünyadan qovulmuş ölkəyə çevirirsiniz.
