ATƏT-in Minsk Qrupunun həmsədrləri Araik Arutunyanla da görüşəsiymişlər, amma...

Sən demə Yerevanda səfərdə olan ATƏT-in Minsk Qrupunun həmsədrlərinin qondarma "Dağlıq Qarabağ Respublikası"nın prezidenti Araik Arutunyanla görüşü olasıymış. Amma görüş təxirə salınıb.

"Baki-Baku.az" erməni mediasına istinadən xəbər verir ki, A.Aratunyan xüsusi olaraq bunun üçün Ermənistanın paytaxtına gəlibmiş. Görüşün isə Ermənistan tərəfinin təşəbbüsü ilə təxirə salındığı bildirilir. Buna səbəb isə rusiyalı həmsədrin xəstələnməsi və Ermənistana gəlməməsidir. Rəsmi Yerevan belə hesab edib ki, həmsədrlər tam heyətdə olmadığından, A.Aratunyanla görüşməməlidirlər. 

Qeyd edək ki, bu gün ATƏT-in Minsk Qrupunun ABŞ-dan olan həmsədri Endryu Şofer və onun fransalı həmkarı Stefan Viskonti Ermənistanın xarici işlər naziri Ara Ayvazyanla görüş keçiriblər.