Putinin Azərbaycan Prezidenti və Ermənistanın baş naziri ilə növbəti telefon danışığı olub

Rusiya prezidenti Vladimir Putinin noyabrın 23-24-də Azərbaycan Prezidenti İlham Əliyev və Ermənistanın baş naziri Nikol Paşinyanla telefon danışığı olub. "Baki-Baku.az" Rusiya mediasına istinadən bildirir ki, məlumatı Kremlin mətbuat xidməti yayıb. 

Telefon danışığı zamanı noyabrın 21-də regiona Rusiyanın dövlət nümayəndələrinin səfərinin yekunları, həmçinin noyabrın 10-da əldə edilmiş razılığın yerinə yetirilməsi ilə bağlı vəziyyət müzakirə edilib. 

Telefon danışıqlarında eyni zamanda Rusiya sülhməramlılarının Dağlıq Qarabağdakı iş xüsusiyyətləri, yerli əhaliyə humanitar yardımın göstərilməsi məsələləri nəzərdən keçirilib.

Diqqət çəkən məsələlərdən biri də iqtisadi əməkdaşlıq və regionda nəqliyyat-kommunikasiya vasitələrinin fəaliyyətinin bərpası ilə əlaqədar olub.