Daşkəsənə hücum - Ermənistan humanitar atəşkəs anlayışı

Ermənistan silahlı qüvvələri humanitar atəşkəs rejimini kobud şəkildə pozaraq Daşkəsən rayonuna hücum edib.

AZƏRTAC xəbər verir ki, bu barədə Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev özünün "Twitter" səhifəsində bildirib.

Prezidentin köməkçisi qeyd edib ki, hücum nəticəsində meşə yanğını başlayıb. Fövqəladə hallar xidməti yanğının qarşısının alınması və Ermənistanın ekoloji terrorunun fəsadlarının azaldılması üçün işlər aparır. Xoşbəxtlikdən mülki şəxslər arasında itkilər qeydə alınmayıb.

Qeyd edək ki, humanitar atəşkəsin elan edildiyi bu gün səhərdən Ermənistan silahlı birləşmələri Daşkəsənlə yanaşı Ağcabədi, Tərtər və Ağdam rayonlarını da atəşə tutublar.