"Biz dərk etməliyik ki, ən azı indiki mərhələdə və bu mərhələdən sonra Qarabağ münaqişəsinin diplomatik həlli olmayacaq". "Baki-Baku.az" xəbər verir ki, bunu özünün facebook hesabında Ermənistanın baş naziri Nikol Paşinyan yazıb.
Paşinyan bildirib ki, münaqişənin xüsusən də indiki mərhələdə diplomatik danışıqalarla həlli məsələsini bitmiş saymaq olar. "Nəyə görə? Biz dəfələrlə demişdik ki, məsələni qarşılıqlı kompromisslər yolu ilə həll etməliyik. Qarşılıqlı kompromiss isə o deməkdir ki, qarşına qoyduğun çərçivəni həll variantı üçün buraxmalısan və sənin opponentin də bunu etməlidir. Ancaq təcrübə göstərdi və bu reallıqdır ki, bu məntiqin çərçivəsi daxilində erməni tərəfi üçün məqbul olanlar Azərbaycan üçün qəbuledilməzdir. Bu, onların diplomatik taktikası və strategiyasıdır. Nə ilə biz razıyıqsa, onunla Azərbaycan razı deyil. Buna görə də ən azı indiki mərhələdə hansısa diplomatik qərardan danışmaq mənasızdır", - deyə Ermənistanın baş naziri vurğulayıb.
