Hulusi Akar: Ermənistanı Dağlıq Qarabağı tərk etməyə məcbur etməlidirlər

“Bir 30 il də gözləməyə səbrimiz yoxdur”.

APA-nın yerli bürosunun “Anadolu” agentliyinə istinadən verdiyi xəbərə görə, bunu Türkiyənin Milli Müdafiə naziri Hulusi Akar deyib.

O bildirib ki, Azərbaycan torpaqlarının işğalına səssiz qalanlar atəşkəs çağırışı yerinə Ermənistanı Dağlıq Qarabağı tərk etməyə məcbur etməlidirlər.

“Qarabağı işğal edən və mülki əhaliyə qarşı qırğınlar törədən Ermənistanın qarşısında səssiz qalanların nümayiş etdirdikləri davranış tam bir ikiüzlülükdür”, - deyə nazir vurğulayıb.