"Azərbaycanın hərəkətləri İran İslam Respublikası üçün də təhlükə yaradıb" "Bakı-Baku.az" "news.am"a istinadən xəbər verir ki, bu barədə məlumatı qondarma separatçı rejimin ordu rəhbərliyi yayıb. Separatçılar diqqəti Azərbaycan ordusunun cənub istiqamətindəki hücumlarına çəkiblər.
Bununla bağlı Ermənistanın Müdafiə Nazirliyinin rəsmisi Arçrun Ovanesyan isə özünün facebook səhifəsində hətta nağıl da yazıb. O bildirib ki, Azərbaycan ordusu cənub istiqamətində hücum edib, məqsəd qondarma rejimin hərbi birləşmələrinin İran ərazisinə raket zərbələri endirmələrinə nail olmaqdır. Ovanesyan həmçinin deyib ki, guya Azərbaycan ordusunun hissələri qaçıb İran ərazisinə daxil olur.
Ovanesyanın fikrindəki təzadı görmək çətin deyil. Necə ola bilər ki, Azərbaycanın hərbi birləşmələri həm hücum etsin, həm də qaçsın? Məqsəd aydındır ki, hər vasitə ilə İranı Dağlıq Qarabağ münaqişəsinə cəlb etməkdir.
