Hikmət Hacıyev: "Mülki azərbaycanlılara qarşı Ermənistanın dövlət terrorizmi davam edir"

“Bu raket hücumu yalnız mülki əhali arasında kütləvi itkilərin olması məqsədilə edilib. Mülki azərbaycanlılara qarşı Ermənistanın dövlət terrorizmi davam edir”.

"Baki-Baku.az" xəbər verir ki, Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev “Twitter”dəki paylaşımında Gəncənin Ermənistan hərbi birləşmələri tərəfindən raket atəşinə tutulmasına münasibət bildirərkən belə yazıb. 

“Ermənistan silahlı qüvvələri Gəncənin mərkəzi bazarını atəşə tutub. Bazarın hansı hərbi əhəmiyyəti ola bilər?”, - deyə H.Hacıyev vurğulayıb.