- Daxili siyasət
- 09:43 19.09.2024
Dağlıq Qarabağ münaqişəsi Avropa Parlamentində (AP) müzakirə olunacaq.
APA-nın xəbərinə görə, bu barədə Avropa İttifaqı (Aİ) və Cənubi Qafqaz ölkələri üzrə Parlament Tərəfdaşlıq Komitələrində nümayəndə heyətinin sədri, AP üzvü Marina Kalyurand "Twitter"də bildirib.
Avropa Parlamentinin deputatı qeyd edib ki, o, Azərbaycandan və Ermənistandan olan jurnalistlərlə görüşüb.
“Müharibə Dağlıq Qarabağ münaqişəsi üçün həll yolu deyil. Gələn həftə Avropa Parlamentinin plenar iclasında Dağlıq Qarabağ münaqişəsi müzakirə olunacaq və müzakirədə Avropa İttifaqının Xarici siyasət və Təhlükəsizlik məsələləri üzrə Ali Nümayəndəsi Cozep Borrell iştirak edəcək”, - deyə o vurğulayıb.