Azərbaycan Respublikasının Prezidenti Zati-aliləri cənab İlham Əliyevə
Möhtərəm cənab Prezident!
Müstəqil Dövlətlər Birliyinin iştirakçısı olan dövlətlərin Parlamentlərarası Assambleyası Şurası adından Azərbaycan Respublikasının Müstəqilliyinin Bərpası Günü münasibətilə təbriklərimizi qəbul edin.
Azərbaycan müstəqillik illərində iqtisadi və sosial sahələrdə böyük uğurlara nail olub. Bu gün Azərbaycan Birliyin ən qabaqcıl mərkəzlərindən biridir, beynəlxalq gündəliyin bir çox məsələlərinin həllində mühüm rol oynayır. Şübhəsiz, Azərbaycan rəhbərliyinin və vətəndaşlarının birgə səyləri respublikanın dayanıqlı inkişafına, suverenliyinin qorunmasına, ölkədə milli birliyin və ictimai həmrəyliyin möhkəmlənməsinə kömək göstərməkdə davam edəcək.
Möhtərəm cənab Prezident, Sizə Azərbaycan Respublikasının tərəqqisi naminə çoxşaxəli fəaliyyətinizdə yeni nailiyyətlər arzu edirik.
Hörmətlə,
Dmitri Kobitski
MDB Parlamentlərarası Assambleya Şurasının Baş katibi,
Aydın Cəfərov
MDB Parlamentlərarası Assambleya Şurası Baş katibinin müavini – Azərbaycan Respublikası Milli Məclisinin MDB Parlamentlərarası Assambleyasında səlahiyyətli nümayəndəsi
