Prezident İlham Əliyev hərbçiləri “Şuşanın azad olunmasına görə” medalı ilə təltif edib - SƏRƏNCAM

Azərbaycan Respublikası Prezidenti Azərbaycan Respublikası Silahlı Qüvvələrinin hərbi qulluqçularının “Şuşanın azad olunmasına görə” medalı ilə təltif edilməsi haqqında Sərəncam imzalayıb. 

Sərəncamda deyilir:

"Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:

Azərbaycan Respublikasının Şuşa şəhərinin işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş Azərbaycan Respublikası Silahlı Qüvvələrinin aşağıdakı hərbi qulluqçuları “Şuşanın azad olunmasına görə” medalı ilə təltif edilsinlər". 

Qeyd edək ki, Prezidentin Sərəncamı ilə ümumilikdə 5784 hərbi qulluqçu “Şuşanın azad olunmasına görə” medalı ilə təltif edilib.