İcra hakimiyyətlərində Vətən müharibəsi iştirakçıları və şəhid ailələri ilə işin təşkili şöbəsi yaradılır - FƏRMAN

Prezident İlham Əliyev bu gün “Yerli icra hakimiyyətləri haqqında Əsasnamə”nin təsdiq edilməsi barədə” Azərbaycan Respublikası Prezidentinin 2012-ci il 6 iyun tarixli 648 nömrəli Fərmanında dəyişiklik edilməsi haqqında Fərman imzalayıb.

Fərmanda nəzərdə tutulan başlıca məqam icra hakimiyyətlərində Vətən müharibəsi iştirakçıları və şəhid ailələri ilə işin təşkili şöbəsinin yaradılması ilə bağlıdır. Sənəd sözgedən şöbədə şöbə müdiri, 1 böyük məsləhətçi və 2 digər ştat vahidinin müəyyənləşdirilməsini nəzərdə tutur.