- Daxili siyasət
- 09:59 25.04.2024
“Freedom House” beynəlxalq hüquq müdafiəsi təşkilatının dünyada azadlıq səviyyəsi ilə bağlı hesabatının Ermənistanla bağlı hissəsində Azərbaycandan bəhs etməsi təəccüb doğurmaqdadır.
"Baki-Baku.az" xəbər verir ki, təşkilat Ermənistanın azadlıq reytinqi baxımından 100 mümkün baldan 55-ni topladığını bəyan edir. Maraqlıdır ki, bu rəqəm keçən il 53 olmuşdu.
Diqqət çəkən məqam odur ki, “Freedom House” Ermənistanın hazırkı azadlıq durumunu Azərbaycanla bağlayır, mövcud kontekstdə İkinci Qarabağ Müharibəsi üzərinə gələrək vurğulayır ki, Azərbaycan Türkiyənin köməyilə Dağlıq Qarabağda müharibəyə başlamaqla Ermənistanda islahat imkanlarını məhdudlaşdırıb, rəsmi Bakı güc tətbiq etməklə demokratik normalarda reqres yaradıb.
Hesabatın Ermənistanla bağlı hissəsində o da vurğulanır ki, Qarabağ münaqişəsi Ermənistan hökumətinin mövqeyinin stabilləşməsi üçün təhlükə doğurmaqdadır.
“Freedom House”nin hesabatında eyni zamanda bildirilir ki, müharibədəki məğlubiyyət Ermənistan hakimiyyətinə qarşı olan bəzi opponentlərin güc tətbiqinə şərait yaratdı, onlar noyabrda ölkə parlamentinə və onun sədrinə hücum çəkdilər. Təşkilat belə halları inkişafa maneçilik törədən məqamlar kimi önə çəkib.