Bayraktar: “Dünya “Bayraktar TB-2”-nin üstünlüklərini Qarabağ savaşında gördü”

“Bayraktar TB-2” silahlı pilotsuz uçuş aparatları həm ölkəmizdə, həm də ölkəmizin hüdudlarından kənarda böyük uğurlara imza atıb”.

APA-nın məlumatına görə, bunu “TEKNOFEST” Müşahidə Şurasının sədri və Türkiyə Texnologiya Komandası Vəqfinin (T3 Vakfı) rəhbəri Səlcuq Bayraktar deyib.

O bildirib ki, “Bayraktar TB-2” öz sinfinin ən yaxşı nümunəsidir və bir çox müharibələrə öz imzasını qoyub: “Bu PUA-lar robot təyyarələrdir. Dünya “Bayraktar TB-2”-nin üstünlüklərini Qarabağ savaşında gördü. Qarabağ müharibəsi “Bayraktar TB-2”-yə dünyada böyük maraq yaratdı. Bütün dünya mediasında PUA-larla qazanılan ilk qələbəni türk ordularının qazandığı yazıldı. "Bayraktar TB-2” həmçinin zəlzələlər, meşə yanğınları zamanı da istifadə edilir”.