Türkiyə ABŞ-dan daha 40 "F16" almaq üçün müraciət edib

Türkiyə ABŞ-dan 40 "F16 Block 70" qırıcısı almaq, həmçinin Birləşmiş Ştatların köməyi ilə əvvəlki modifikasiyalarda olan 80 "F-16"nı modernləşdirmək istəyir. "Baki-Baku.az" xəbər verir ki, bu barədə məlumatı Yunanıstanın "Defensereview" nəşri yayıb.

Mənbənin sözlərinə görə, Türkiyə Müdafiə Nazirliyi sözügedən məsələ ilə əlaqədar Vaşinqtina niyyət məktubu göndərib.

Amerika gələcək əməliyyatın ABŞ qanunlarına uyğun olmasını təmin etmək üçün lazımi yoxlamalar aparmalı, tələb olunan sistemlərin qiymətini hesablamalı və ABŞ Dövlət Departamentinin təsdiqini aldıqdan sonra ABŞ Konqresinə məlumat verməlidir.