"İsgəndər" raketinin istifadəsi: Ermənistanın yeni baş qərargah rəisi xəbərsizdir, Azərbaycan qalıqları nümayiş etdirir

Ermənistan Silahlı Qüvvələrinin Baş Qərargahının yeni təyin edilmiş rəisi Artak Davtyan bilmir ki, 44 günlük müharibədə Rusiya istehsalı olan "İsgəndər" raketi istifadə edilib ya yox. 

"Baki-Baku.az" xəbər verir ki, A.Davtyan bu gün 2016-cı ilin aprel müharibəsinin ildönümü ilə bağlı keçirilmiş anım mərasimi sonrası jurnalistlərin bununla əlaqədar suallarını cavablandırmaqda çətinlik çəkib. "Heç nə deyə bilmərəm. Yazmaq üçün deyil", - deyə Ermənistan SQ Baş qərargah rəisi vurğulayıb. 

Yeri gəlmişkən, bu gün Bakıda Vətən Müharibəsi zamanı Ermənistanın Azərbaycana qarşı istifadə etdiyi “İsgəndər” raketlərinin qalıqları nümayiş etdirilib. Qalıqlar “Azərlandşaft” Açıq Səhmdar Cəmiyyətinin ərazisində Azərbaycan Respublikasının Minatəmizləmə Agentliyinin (ANAMA) nümayəndələri tərəfindən təqdim olunub.