- Siyasi təhlil
- 09:24 26.04.2024
Qarabağdakı 44 günlük müharibə zamanı xəstəxanalara hərbi qulluqçular, polis məmurları, Milli Təhlükəsizlik Xidmətinin sərhəd dəstələri və könüllülər də daxil olmaqla 11000-ə qədər xəstə və yaralı gətirilib. "Baki-Baku.az" "Armenpress"ə istinadən xəbər verir ki, bunu Ermənistan Silahlı Qüvvələrinin Hərbi Tibb İdarəsi rəis müavini, Planlaşdırma Şöbəsinin rəisi, polkovnik Qegam Paşikyan Hərbi Tibb Xidmətinin hesabatını açıqlayarkən deyib. O bildirib ki, yaralıların 55% -i yüngül, 35% -i orta dərəcəli, 7% -i ağır, 2% -i isə olduqca ağır xəsarət almışdı.
Ermənistan Silahlı Qüvvələrinin Hərbi Tibb İdarəsinin rəisi, polkovnik Sahak Ohanyan isə hazırda 1500-ə yaxın hərbçinin müalicə aldığını və reabilitasiya məzuniyyətində olduğunu vurğulayıb. “Hazırda 885 birinci, ikinci və üçüncü dərəcəli əlilimiz var. Birinci və ikinci dərəcəli əlillər hərbi sığorta fondunun dəstəyindən istifadə edirlər”, - deyə Ohanyan izahat verib.
Ohanyan deyib ki, müharibənin 22-23-cü gününə qədər hərbçilər yalnız qəlpə yaraları alıblar. “Bu, düşmənin pilotsuz hava vasitələrindən və uzaq mənzilli toplardan istifadə etdiyini göstərir. "Müharibənin üçüncü həftəsindən sonra isə düşmən qoşunları yaxınlaşanda və birbaşa təmasda yarananda hərbçilər arasında güllə yaraları qeydə alınmağa başladı.