Azərbaycan beş hərbi əsiri Ermənistana qaytarıb

Ermənistana erməni hərbi əsirlərin növbəti qrupu qaytarılıb. "Baki-Baku.az" xəbər verir ki, bu barədə məlumatı "NEWS.am" yayıb.

Məlumatda bildirilir ki, hərbi əsirlər 5 nəfərdən ibarət olublar. Onları Dağlıq Qarabağdakı Rusiya sülhməramlılarının komandanı Rüstəm Muradov müşaiyət edib. Əsirlərin göyərtəsində olduğu təyyarənin "Erebuni" hava limanına eniş etdiyi bildirilir. 

Qeyd edək ki, erməni tərəfindən yayılmış məlumatda Azərbaycanın Ermənistana 20 hərbi əsiri qaytaracağı bildirilirdi. Buna görə də bir çox əsgər valideynləri "Erebuni" hava limanına yığışmışdılar.