Ermənistanın hərbi xidmət keçmək üçün Qarabağa hərbçilər göndərməyəcəyinə dair informasiyanın yayılması ölkədə yeni müzakirələrə səbəb olub. "Baki-Baku.az" xəbər verir ki, informasiya təhlükəsizliyi üzrə ekspert, "Razm.info" hərbi saytının koordinatoru Karen Vrtanesyan bununla əlaqədar fikirlərini iranik tərzdə ifadə edib.
O, özünün facebook səhifəsində məsələ barədə daha əvvəldən yazdığını bildirib. "Sputnik Armeniya" xəbər əldə edib ki, çağırış yaşı çatmış Ermənistan Respublikasının vətəndaşları ancaq ölkə ərazisindəki hərbi hissələrdə xidmət keçəcəklər. Biz onu da müəyyənləşdirmişik ki, Qarabağdakı hərbi hissələr ənənəvi lotoreyası variantlar arasında yoxdur", - deyən ekspert bildirib ki, indiki halda müqavilə əsasında Qarabağda 26 il mövcud olmuş müdafiə ordusunun yerini tuta biləcək hərbi hissə sadəcə mümkünsüzdür və bu haqda o, dünən yazdığını diqqətə çatdırıb.
"Yəni onlar "Müdafiə ordusu" sözünü unuda bilərlər. Rütbələrini və vəzifələrini də bir kənara qoya bilərlər. Ordu olmayacaq. Yaxşı halda daxili qoşunlar və ya sərhəd dəstəsi kimi bir şey mümkündür", - deyə Karen Vrtanesyan vurğulayıb.
