Rusiyanın yeni nəsil PUA-larının Suriyada müvəffəqiyyətlə sınaqdan çıxarıldığı bildirilir

Rusiyanın pilotsuz uçuş aparatları Suriyadakı hərbi əməliyyatlarda müvəffəqiyyətlə sınaqdan çıxarılıb.

"Baki-Baku.az" TASS-a istinadən xəbər verir ki, bunu "Rostex" Dövlət Korporasiyasının rəhbəri Sergey Çemezov deyib. 

Qeyd edək ki, sözügedən korporasiyaya məxsus "Kalaşnikov" konserni bir müddət öncə pilotsuz uçuş aparatının istehsalını həyata keçirmişdi. Bildirilir ki, bu PUA-lar türk "Bayraqdar"ından funksionallıq baxımından daha üstündür. 

Çemezov isə onların bilavasitə Suriyadakı real döyüşlərdə sınaqdan çıxarıldığını və özünü yaxşı tərəfdən göstərdiyini vurğulayıb. O bildirib ki, Rusiyanın Müdafiə Nazirliyi PUA-ları almağa və istifadəyə hazırdır.