Ermənistan Müdafiə Nazirliyi 3 noyabr gecəsi Qarabağda gedən döyüşlərlə bağlı açıqlamasında Azərbaycan ordusunun uğurlar əldə etməsini dolayısı ilə etiraf edib.
Musavat.com erməni mediasına istinadən bu barədə məlumat verir. Rəsmi açıqlamada bildirilir ki, ötən gecə döyüşlər şərq, cənub-şərq və cənub istiqamətlərində davam edib. Göstərilən istiqamətlədə Azərbaycan ordusuna qarşı müqavimət göstərdiklərini iddia edən erməni tərəf ardınca vurğulayıb ki, cəbhənin şərq istiqamətində “kiçik ərazidə”, “Ermənistan ordusu taktiki səbəbdən geri çəkilib”. Ermənistan Müdafiə Nazirliyi iddia edib ki, bu, döyüşlərin sonrakı mərhələsində yaxşı mövqelər əldə etmək üçün edilib.
Qeyd edək ki, İrəvan rəşadətli Azərbaycan ordusu qarşısında məğlubiyyətini birdəfəlik etiraf etməkdənsə, mövqelərin “taktiki gediş səbəbindən” təhvil verildiyini davamlı şəkildə açıqlamaqdadır.
Musavat.com
