Azərbaycanın istehsalı olan AH 12,7 millimetrlik ağır pulemyot “ADEX-2024” 5-ci Yubiley Azərbaycan Beynəlxalq Müdafiə Sərgisində nümayiş etdirilir.
Bununla bağlı AZƏRTAC-a sərgi zamanı “Azərsilah” Müdafiə Sənayesi Holdinqi” Qapalı Səhmdar Cəmiyyətinin əməkdaşları məlumat veriblər.
Bildirilib ki, AH 12,7 millimetrlik ağır pulemyot 12,7x108 millimetr çaplı güllələrlə təchiz olunub və hücum batalyonları üçün aşağıdan uçan hava hədəflərini, zirehli texnikanı, atəş nöqtələrini və düşmənin şəxsi heyətini məhv etmək məqsədilə yerli mühəndislər tərəfindən dizayn edilib.
Onun texniki xüsusiyyətləri kalibri 12,7×108 millimetr, görmə məsafəsi (yer hədəfləri üçün) 2000 metr, atəş sürəti (texniki), 540-600 güllə/dəqiqə, lülədən çıxma sürəti, 820±40 metr/saniyə, pulemyot boş maqazinlə 21 kiloqramdır. Ümumi uzunluğu açıqlanmış qundaqla 1850 millimetr, bağlanmış qundaqla 1600 millimetrdir.
Qeyd edilib ki, silah 80 dərəcəlik bucaq altında qalxaraq aşağı məsafədən uçan hədəfləri, digər zirehli iri texnikaları da vurma qabiliyyətinə malikdir.
