Müdafiə Nazirliyindən Ermənistanın dezinformasiyalarına cavab: Hadrut bizdədir

"Hadrut artıq bir neçə gün bundan əvvəl Azərbaycan Ordusu tərəfindən işğaldan azad olunub". "Baki-Baku.az" xəbər verir ki, bununla bağlı məlumatı AR Müdafiə Nazirliyi yayıb. 

Qeyd edək ki, Ermənistanın kütləvi informasiya vasitələri Ermənistan Müdafiə Nazirliyinə və qondarma rejimin ordusunun "rəsmilərinə" istinadən Hadrutun guya Ermənistan hərbi birləşmələrinin nəzarəti altında olduğuna dair fikirlər tirajlayır.

Müdafiə Nazirliyi isə bəyan edir ki, Ermənistan tərəfinin guya Azərbaycan Ordusunun Hadruta daxil olmaq məqsədilə bu istiqamətdə xeyli sayda qüvvə cəmləşdirməsi və gərgin döyüşlərin getməsi barədə yaydığı məlumat açıq-aydın dezinformasiyadır. Azərbaycan Ordusu humanitar atəşkəs rejiminə ciddi riayət edir.