Mənzillərin jurnalistlərə verilməsi məsələsində heç bir yenilik yoxdur - KİVDF-dən açıqlama

"İnşa olunmuş üçüncü binadakı mənzillərin jurnalistlərə verilməsi məsələsində heç bir yenilik yoxdur". Bunu APA-ya açıqlamasında Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) mətbuat katibi İlkin Nadirov deyib. İ.Nadirov əlavə edib ki, bu barədə hər hansı informasiya olsa, ictimaiyyətə məlumat veriləcək. 

Qeyd edək ki, Azərbaycan Respublikasının Prezidenti cənab İlham Əliyevin Sərəncamı əsasında inşa edilmiş 3-cü jurnalist binasında işlər tam yekunlaşıb. Cəmiyyətdə müəyyən məlumatlar yayılıb ki, binadakı mənzillərin verilməsi ilə bağlı proses yaxın zamanlarda başlayacaq, ilkin mərhələdə 50 jurnalistə mənzil hədiyyə ediləcək. İ.Nadirov açıqlamasında məlumatın həqiqəti əks etdirmədiyini vurğulayıb.