Ukraynada həlak olan və yaralanan jurnalistlərin sayı açıqlanıb

Ukraynada davam edən müharibəni işıqlandırarkən 3 jurnalist həlak olub, azı 35 jurnalist isə yaralanıb.

APA xəbər verir ki, bu barədə Ukraynanın İnsan Hüquqları üzrə Müvəkkili (Ombudsman) Lüdmila Denisova “Facebook” hesabında bildirib.

O qeyd edib ki, jurnalist Viktor Dudar Nikolayevdə davam edən döyüşləri işıqlandırarkən, teleoperator Yevgeni Sakun Kiyevdə raket hücumu nəticəsində, amerikalı sənədli film rejissoru Brent Reno isə İrpendəki yoxlanış məntəqəsində öldürülüb.

Ombudsman qeyd edib ki, Rusiya müvəqqəti işğal etdiyi ərazilərdə televiziya qüllələrini və studiyaları ələ keçirir, həmçinin Kiyev, Lutsk və Rivendəki teleqüllələri atəşə tutur.