2021-ci ildə dünyada 45 jurnalist peşə fəliyyətinə görə həyatını itirib. Bu faktlardan 6-sı Avropa qitəsinə daxil olan dövlətlərdə qeydə alınıb. Beynəlxalq Jurnalistlər Federasiyası (İFJ) və Avropa Jurnalistlər Federasiyasının (EFJ) 2021-ci il üzrə açıqladıqları hesabatlarda Azərbaycanlı jurnalistlər-. Məhərrəm İbrahimov və Sirac Abışovun adları da daxil edilib. "Bakı-Baku.az" xəbər verir ki, məlumatı təşkilatın Azərbaycan üzrə nümayəndəsi, Mətbuat Şurasının sədr müavini Müşfiq Ələsgərli özünün facebook hesabında paylaşıb.
M.Ələsgərli bildirib ki, digər beynəlxalq media təşkilatlarından fərqli olaraq, İFJ və EFJ Azərbaycanlı jurnalistlər barədə detallı informasiya veriblər, hadisəni Ermənistanın uzun müddət işğalda saxladığı ərazilərin mina xəritlərini Azərbaycana təhvil verməməsi ilə əlaqələndiriblər.
2021-ci il üzrə hesabatda dünya üzrə həbsdə olan jurnalistlər məsələsinə də toxunulub. Qeyd edilib ki, dünyada 365 nəfər jurnalist 2022-ci ili dəmir barmaqlıqlar arxasında qarşılayıb. Həbsdə olan jurnalistlərdən 95 nəfəri Avropa dövlətlərində qeydə alınıb
