Mətbuat Şurasında jurnalistlərin növbəti vaksinasiyası keçiriləcək

Avqustun 5-də Azərbaycan Mətbuat Şurasında jurnalistlərin “COVID-19” infeksiyası əleyhinə növbəti vaksinasiyası keçiriləcək.

Şuradan APA-ya verilən məlumata görə, bununla bağlı Azərbaycan Mətbuat Şurası ilə TƏBİB arasında razılığa gəlinib. Bu il iyunun 29-da peyvəndin birinci dozası tətbiq edilmiş jurnalistlərə sabah ikinci doza tətbiq ediləcək. Eyni zamanda, ümumən vaksinasiyadan keçməmiş digər jurnalistlər də aksiyada iştirak edə bilərlər.

Azərbaycan Mətbuat Şurası jurnalistlərdən və kütləvi informasiya vasitələrinin rəhbərlərindən bunu nəzərə almağı xahiş edib.