Kreml Rusiya prezidenti Vladimir Putinin ölkənin kütləvi informasiya vasitələrinin baş redaktorları ilə qapalı görüşlərinin çıxarışlarını yayımlamağı planlaşdırır. "Baki-Baku.az" "RİA Novosti"yə istinadən xəbər verir ki, bunu Rusiya prezidentinin mətbuat katibi Dmitri Peskov bildirib.
"Biz ümumən yəqin ki, prezidentin hamısı yox, bəzi vacib məsələlərlə bağlı sözlərindən kiçik çıxarışları bölüşəcəyik", - deyə Peskov dəqiqləşdirib ki, Kremlin yaymağa çalışdığı materiallar sırasında eyni zamanda Putinin Donbasla əlaqədar fikirləri yer alacaq.
Qeyd edək ki, Peskov bir müddət öncə jurnalistlərlə qapalı görüşlərin detallarının mediada yer almasından təəssüfləndiyini bildirmişdi. O demişdi ki, görüşün qapalı variantı aktual məsələlər barədə sərbəst danışmaq və müzakirə aparmaq məqsədilə seçilib. "Belə sızmalar bizim etimad mühitimizi möhkəmləndirmir", - deyən mətbuat katibi fikrinə aydınlıq gətirmişdi.
