ABŞ prezidenti Co Baydenin komandası brifinqdən öncə Ağ Evdə akkreditasiya olunmuş jurnalistlərdən onların hansı sualları verəcəyini müəyyənləşdirmək istəyir. "Baki-Baku.az" xəbər verir ki, bununla vağlı "The Daily Best" nəşri məlumat yayıb.
Nəşrin mənbəsinin bildirdiyinə görə, ABŞ liderinin administrasiyasının kommunikasiya şöbəsinin əməkdaşları prezidentin mətbuat katibi Cen Psakiyə brifinqdə ünvanlanacaq sualları öyrənmək istəyiblər. Bu hal isə jurnalist korpusu arasında narahatlıq yaradıb.
Baydenin komandası məsələni inkar etməyib, bildirib ki, bu, media ilə əlaqələr yaratmaq məqsədilə atılan addımdır. "Məqsədimiz hər gün keçiriləcək brifinqləri maksimum faydalı, jurnalistlər və cəmiyyət üçün informasiya yüklü etməkdir. Bunun üçün isə media ilə mütəmadi təmas vacibdir. İstəyirik anlayaq ki, suallara cavabda Ağ Ev necə faydalı olsun. Eyni zamanda dəqiq informasiya versin", - deyə prezidentin mətbuat xidməti məsələyə dair öz mövqeyini açıqlayıb.
