Ağ Ev "Nyu-York tayms" və "Vaşinqton post" qəzetlərinə abunəni bərpa edib

Yanvarın 20-də Co Bayden prezident kimi fəaliyyətə başladıqdan sonra Ağ Ev məhşur "Nyu-York tayms" və "Vaşinqton post" qəzetlərinə abunəni bərpa edib. "Baki-Baku.az" xəbər verir ki, bu barədə məlumatı "Hill" nəşri özünün daxili mənbələrinə istinadən yayıb. 

Qeyd edək ki, 2019-cu ilin oktyabrında ABŞ-ın artı sabiq olan prezidenti Donald Tramp hər iki nəşrə abunəni dayandırmışdı. Buna səbəb onların Trampı tənqid etmələri idi. 

Onu da bildirək ki, D.Tramp prezidentliyi müddətində müxtəlif nəşrləri, o cümlədən "Vaşinqton post"u "feyk qəzet" adlandırmışdı. Kütləvi informasiya vasitələri isə prezidenti dezinformasiya yaymaqda günahlandırırdılar.