Mariya Zaxarova Qarabağda ərazilərin minalanması problemindən danışdı

Moskva inanır ki, Dağlıq Qarabağ və ətraf ərazilərdə minaların zərərsizləşdirilməsi prosesi tezliklə başa çatacaq. "Baki-Baku.az" xəbər verir ki, bu fikri Rusiyanın Xarici İşlər Nazirliyinin rəsmi nümayındəsi Mariya Zaxarova bu gün keçrdiyi mətbuat konfransında bildirib. 

"Biz ümüdvarıq ki, bu proses sürətlənəcək. Ərazilərin minalanması istənilən silahlı münaqişə üçün çətin aradan qalxan və təhlükəli problemdir. Rusiya münaqişədən sonra Qarabağda və ətraf ərazilərdə minalardan təmizlənmə prosesinə öz töhfəsini verir", - deyən M.Zaxarova həmçinin Rusiya, Azərbaycan və Ermənistanın Dağlıq Qarabağ üzrə üçtərəfli işçi qrupunun tezliklə öz işini bərpa edəcəyinə inamını dilə gətirib.