Lavrov Yerevanda nələri müzakirə edəcək - Zaxarova açıqladı

Rusiyanın xarici işlər naziri Sergey Lavrov bu gün Ermənistanın paytaxtı Yerevana gedəcək, sabah - mayın 6-da görüşlər keçirəcək. "Baki-Baku.az" TASS-a istinadən xəbər verir ki, bu barədə məlumatı Rusiyanın Xarici İşlər Nazirliyinin rəsmi nümayəndəsi Mariya Zaxarova bildirib. 

M.Zaxarova bildirib ki, Yerevandakı görüşlər zamanı ikitərəfli və regional əməkdaşlığa, o cümlədən beynəlxalq arenada qarşılıqlı fəaliyyətə dair məsələlər geniş formada müzakirə ediləcəkdir. Prioritet məsələ isə Dağlıq Qarabağ üzrə sazişlərin yerinə yetirilməsi vəziyyəti olacaqdır. 

"Prioritet məsələ olaraq Rusiya, Azərbaycan və Ermənistan liderlərinin 9 noyabr 2020-ci il və 11 yanvar 2021-ci il tarixli üçrətəfli bəyanatlarının reallaşdırılmasının praktik aspektlərinə diqqət yetiriləcəkdir", - deyə Zaxarova vurğulayıb.