- Daxili siyasət
- 13:00 19.04.2024
Kremlin mətbuat katibi Dmitri Peskov Rusiya Prezidenti Valadimir Putinin Qarabağdakı müharibənin dayandırılmasında şəxsi rolunun hər kəs tərəfindən xatırlanmalı olduğunu bildirib. "Baki-Baku.az" xəbər verir ki, Peskov bu fikri jurnalistin Qarabağdakı hadisələrdən sonra Moskvanın Zaqafqaziya respublikalarını dost kimi tamamilə itirəcəyinə dair hər hansı bir qorxunun olub-olmaması barədə sualına cavablandırarkən dilə gətirib.
"Ermənistanda daxili qarışıqlıq var, Azərbaycan isə getdikcə daha çox parlayır..." deyən mətbuat katibi Rusiyanın "Azərbaycanla qarşılıqlı hörmətə əsaslanan etibarlı münasibətlərə malik olduğunu" vurğulayıb. O, bildirib ki, qarşılıqlı faydalı olan bir çox cəhətlər ola bilər. Rusiyanın Ermənistanla tarixən yaxşı münasibətləri mövcuddur. Qarabağ müharibəsinə gəldikdə isə Peskov vurğulayıb ki, Putinin onun dayandırılmasındakı şəxsi rolu hər kəs tərəfindən xatırlanmalıdır.