Ermənistandakı vəziyyətin Qarabağa təsiri - Rusiya XİN müavininin münasibəti

Ermənistandakı vəziyyət ölkənin daxili işidir, Rusiya oradakı durumun tezliklə normallaşmasında maraqlıdır. "Baki-Baku.az" TASS-a istinadən xəbər verir ki, bunu Rusiyanın xarici işlər nazirinin müavini Andrey Rudenko deyib. 

"Buna Ermənistanın daxili işi kimi yanaşırıq. Biz orada baş verən proseslərə qarışmırıq və heç kəsin tərəfini tutmuruq. İstəyirik ki, vəziyyət tezliklə normallaşsın. Çünki bunun hamıya xeyri var", - deyə XİN müavini bildirib. 

Jurnalistin Ermənistandakı durumun Dağlıq Qarabağa təsiri ilə bağlı sualını cavablandıran A.Rudenko Rusiyanın bölgədəki vəziyyətin qızışmayacağına ümüd etdiyini vurğulayıb.