Ermənistanda siyasi qüvvələr arasında danışığın gedəcəyi və memorandumun imzalanacağı istisna olunmur. "Baki-Baku.az" erməni mediasına istinadən xəbər verir ki, bunu ölkə parlamentinin vitse-spikeri, hakim "Mənim addımım" fraksiyasının deputatı Alen Simonyan jurnalistlərin suallarını cavablandırarkən deyib.
A.Simonyanın fikrincə, siyasi proseslərin kuliminasiya anı seçki olmalıdır. Başqa metodlar mümkün deyil. ""Çiçəklənən Ermənistan" Partiyasının fraksiyasının mövqeyinə gəlincə, orada qərarı bir nəfər verir (Qagik Çarukyan nəzərdə tutulur). Yaxın günlərdə onunla görüşməyim istisna deyil", - deyən Simonyan Qarabağ müharibəsi ilə bağlı fikirlərini də bölüşüb: "Biz insan çatışmazlığından əziyyət çəkmirdik. Problemlər hərbi xarakterli idi. Onlar müharibə aparan qüvvələr arasında qeyri-bərabər texniki imkanların mövcudluğundan qaynaqlanırdı".
