Dmitri Medvedyev: Qarabağın statusu məsələsini indi müzakirə etmək olmaz

Dağlıq Qarabağın statusu məsələsini indi müzakirə etmək olmaz. Bu mövzu ilə bağlı müzakirədəki istənilən elektrikləşmə böyük parçalanmaya gətirə bilər. "Baki-Baku.az" TASS-a istinadən xəbər verir ki, bunu Rusiyanın Təhlükəsizlik Şurasının sədr müavini, Rusiyanın üçüncü prezidenti olmuş Dmitri Medvedyev deyib. 

"Hamıya tam aydındır ki, status məsələsi həqiqətən həll edilməyib", - deyən D.Medvedyev bildirib ki, tərəflərin məsələyə baxışları ciddi şəkildə bir-birindən fərqlənir. Hətta Ermənistanın daxilində də diskussiyalar gedir: "Mən xatırlatmaq istəyirəm ki, Ermənistan özü də Dağlıq Qarabağı tanımayıb. Bu barədə nəyəsə görə unudurlar. Ancaq əslində belədir. Buna görə də yaxşısı budur status məsələsi gələcəyə saxlanılsın"