AB Azərbaycanın 5 erməni hərbi əsiri geri qaytarması barədə - alqışlayırıq, amma o biriləri də qaytarın

"Avropa Birliyi Azərbaycanın noyabrda ələ keçirdiyi 5 erməni hərbi əsirini geri qaytarmasını alqışlayır və digər 57 nəfəri də tezliklə azad etməyə çağırır". "Baki-Baku.az" xəbər verir ki, bunu özünün tvitter səhifəsində Avropa Birliyinin xarici məsələlər üzrə mətbuat katibi Piter Stano yazıb. 

P.Stanonun sözlərinə görə, digər əsirlərin də geri qaytarılması hər iki ölkə arasında inamın formalaşmasına kömək olacaq ki, bu da regionda möhkəm sülh üçün vacibdir. 

Qeyd edək ki, dünən Azərbaycan tərəfi Qarabağdakı Rusiya sülhməramlılarının komandanı Rüstəm Muradovun müşaiyəti ilə 5 hərbi əsiri Ermənistana qaytarıb.