Sergey Lavrov: ATƏT Qarabağda hərbi əməliyyatların dayandırılması ilə bağlı üçtərəfli bəyanata daha fəal dəstək verməlidir

Rusiya ATƏT ölkələrinin Dağlıq Qarabağda hərbi əməliyyatların dayandırılması ilə bağlı üçtərəfli bəyanata daha fəal dəstək vermələrini vacib sayır. "Baki-Baku.az" xəbər verir ki, bunu ölkənin xarici işlər naziri Sergey Lavrov ATƏT-in xarici işlər nazirləri şurasının videokonfrans rejimində keçirilmiş iclasındakı çıxışında bildirib. 

"Təşkilatın münaqişələrin həllindəki təcrübəsinə ehtiyac qalmaqdadır. ATƏT məkanında böhranlı vəziyyətlərin aradan qaldırılması ilə bağlı sazişlər üzv ölkələr tərəfindən dəstək qazanmalıdır. Bu, həmin sazişlərin reallaşmasına kömək olacaq. Bunu Dağlıq Qarabağ münaqişəsinə münasibətdə də gözləyirik. Biz bunun üçün hər cür fəaliyyəti davam etdirəcəyik. Biz ATƏT-in Minsk Qrupunun üç həmsədrinin əməkdaşlığını qiymətləndiririk", -deyə Lavrov vurğulayıb.