Zaxarova Qarabağda muzdlular tapıb

Rusiya Dağlıq Qarabağdakı muzdlu döyüşçülərin bölgədən uzaqlaşdırılmasının tərəfdarıdır və münaqişənin bu xüsusda həllinə tərəfdardır. "Baki-Baku.az" xəbər verir ki, bu fikirləri Rusiyanın xarici işlər nazirliyinin mətbuat katibi Mariya Zaxarova keçirdiyi brifinqdə dilə gətirib. 

"Qarabağa yerləşdirilmiş muzdlular təəssüf ki, getməyiblər, yoxa çıxmayıblar. Biz hesab edirik ki, bölgədə sülhün yaranmasında maraqlı olan tərəflər çalışmalıdırlar ki, bu məsələ həllini tapsın", - deyə Zaxarova vurğulayıb. 

Qeyd edək ki, Rusiya XİN sözçüsü muzdluların konkret olaraq hansı tərəfdə olduğuna aydınlıq gətirməyib.