USD/AZN
1.7
EUR/AZN
2.008
RUB/AZN
0.0228
TRY/AZN
0.2304
Bakı:
12°C
Turan Bank

“Artsax” atın “kor nalbənd”ləri


https://img.baki-baku.az/news/2023/09/photo_8271.jpg

Ötən əsrin son onilliyində də, bu əsrin ilk onilliyində də kimsə güman etməzdi ki, çoxsaylı himayədarları olan, bütün beynəlxalq təşkilatlarda və aparıcı dövlətlərdə sözü keçən, monoetnik dövlət yaratmaq üçün yüz minlərlə azərbaycanlını yurd-yuvasından didərgin salaraq bütün hüquqlarını pozan, sonra isə BMT üzvü olan bir ölkənin ərazilərinin 20 faizini işğal edərək, viranəyə çevirən Ermənistan nə vaxtsa bu günə düşəcək. İndi beynəlxalq aləmdə Ermənistanın nüfuzu Nikol Paşinyanın nüfuzundan o qədər də çox deyil. 

Azərbaycan əsgərinin 2020-ci ilin payı­zındakı sarsıdıcı zərbəsindən sonra hamının gözündən düşən, meydanda tək qalan və sarsaq-sarsaq bəyanatlar verməkdən başqa əlindən heç nə gəlməyən İrəvan üçün qapı­sını döyməli bir ünvan qalmayıb. Artıq Em­manuel Makron Ermənistan üçün heç nə edə bilmir, İran verdiyi vədlərin çoxunun arxa­sından qaçır, Kremli Paşinyanın özü “qo­vub”, Ağ Ev dünyanın gələcəyi üçün qurulan iqtisadi layihələri bir ovuc quldur erməninin maraqlarına qurban vermək istəmir, Avropa ölkələri isə onlara erməni konyakı yox, neft, qaz, son zamanlar isə həm də “yaşıl” enerji lazım olduğunu gizlətmirlər. Bir cümləyə topladığımız bu qədər faktların hamısı Azər­baycanın Cənubi Qafqazda yaratdığı yeni reallıqlardır.

Ermənistanı daha çox gözdən salan məqamlardan biri də 2020-ci il noyabrın 10-da məhz Rusiya Prezidentinin təşəbbüsü ilə – İrə­vanın İkinci Qarabağ müharibəsindən daha az itki ilə çıxmasına zəmin yaradan üçtərəfli Bə­yanatın prinsiplərinin qulaqardına vurulması, orada nəzərdə tutulan müddəaların icrasından imtina edilməsi oldu. İş o yerə çatdı ki, həm ölkə daxilində, həm də Azərbaycan ərazisində olan qondarma dövlətdə xaos və anarxiya heç zaman olmayan bir səviyyəyə çatdı. Qarabağ­dakı xuntanın rəhbəri Ermənistan baş nazirini ittiham etdi, baş nazir isə Moskvanı, KTMT-ni və BMT-ni. Nəticə göz qabağındadır. 

Baş terrorçu Araik Arutyunyanın istefa­ya məcbur edilməsindən sonra Xankəndidə keçirilən saxta prezident seçkiləri “Artsax”ın işlərini bir az da geri saldı. Əvvəlcə xəbərlər gəldi ki, guya, kimlərsə bu seçkinin nəticələ­rini tanıyacaqlar. Sonra isə məlum oldu ki...

Əvvəla, ABŞ Dövlət Departamentinin mətbuat katibi Metyu Miller mətbuat üçün brifinqində dedi ki, biz Qarabağı müstəqil və suveren ölkə kimi tanımırıq: “Biz ötən həftə də bəyan etdik ki, Qarabağı müstəqil və suveren ölkə kimi tanımırıq və eyni za­manda, burada keçirilən qondarma “pre­zident seçkiləri”ni tanımırıq”.

İkincisi: Avropa İttifaqının Xarici Fəa­liyyət Xidmətinin Xarici İşlər və Təhlükə­sizlik siyasəti üzrə sözçüsü Nabila Massrali bildirib ki, “9 sentyabr 2023-cü il tarixində Xankəndidə keçirilən qondarma “prezi­dent seçkiləri”ni nəzərə alaraq, Avropa İt­tifaqı bir daha bəyan edir ki, o, “seçki”nin keçirildiyi konstitusiya və hüquqi çərçivə­ni tanımır”... “Eyni zamanda, Aİ hesab edir ki, Qarabağ ermənilərinin Bakı ilə nəticəyö­nümlü müzakirələr aparmağa qadir və buna hazır olan de-fakto liderlik ətrafında cəmləş­məsi vacibdir. Aİ bu prosesi dəstəkləməyə sadiqdir”.

Üçüncüsü: Böyük Britaniyanın Azər­baycandakı səfiri Ferqus Auld "X" sosial şəbəkəsində etdiyi paylaşımda yazır ki, Lon­don Azərbaycanın Qarabağ bölgəsində keçi­rilən qondarma “seçkilər”i tanımır: “Böyük Britaniya sentyabrın 9-da Qarabağda ke­çirilən qondarma “prezident seçkiləri”ni tanımır. Biz beynəlxalq hüququn prinsip və normalarının əhəmiyyətini vurğulaya­raq, Azərbaycanın suverenliyini və ərazi bütövlüyünü dəstəkləyirik”.

Dördüncüsü: İslam Əməkdaşlıq Təş­kilatı dünya ictimaiyyətini Ermənistanın destruktiv addımlar atmasının qarşısını al­maq üçün effektiv tədbirlər görməyə çağırıb. Üstəlik, Avropa Şurası, Türk Dövlətlərinin Parlament Assambleyası və digər beynəlxalq strukturların nümayəndələri də “seçkiləri” ta­nımadıqlarını bəyan ediblər.

Beşincisi: Türk Dövlətləri Təşkilatı, Ma­carıstan, Rumıniya, Pakistan, Gürcüstan, Uk­rayna, Moldova və digər ölkələr Qarabağdakı seçkiləri tanımadıqlarını elan ediblər. Bu isə dünyanın haqlı ilə haqsızı seçmək yolunda yeni addımlar atdığının göstəricisidir. 

İttifaq MİRZƏBƏYLİ




Redaktorun seçimi

Yenə də “motal” əl çəkmir...
  • Daxili siyasət
  • 11:20 20.04.2024
Yenə də “motal” əl çəkmir...
Lavrovun anti-Ermənistan demarşları
  • Daxili siyasət
  • 09:57 20.04.2024
Lavrovun anti-Ermənistan demarşları
Təxribatlar bumeranqa çevrilir
  • Siyasi təhlil
  • 09:45 20.04.2024
Təxribatlar bumeranqa çevrilir
Azərbaycanın zəfər marafonu davam edir
  • Daxili siyasət
  • 09:42 20.04.2024
Azərbaycanın zəfər marafonu davam edir
Sübhaninin İrəvan sərsəmləməsi
  • Daxili siyasət
  • 13:00 19.04.2024
Sübhaninin İrəvan sərsəmləməsi
“Alagözlüm, səndən ayrı gecələr...”
  • Mədəniyyət
  • 12:21 19.04.2024
“Alagözlüm, səndən ayrı gecələr...”

İttifaq MİRZƏBƏYLİ